बाहुनडाँगी, २७ पुस । बेलबारी जेसीजको तेस्रो पदस्थापन तथा पुरस्कार वितरण समारोह सम्पन्न भएको छ ।
बेलबारीस्थित साँस्कृतिक भवनमा आयोजित पदस्थापन कार्यक्रममा वर्ष २०१९ का कार्य समितिलाई पदस्थापन गरिउको थियो । नया समितिका नव निर्वाचित अध्यक्ष दीपेन्द्र खुलाललाई वर्ष २०१८ का अध्यक्ष राजन प्रसाईले चेन हस्तान्तरण गर्दै सपथ ग्रहण गराएका थिए । नव निर्वाचित अध्यक्ष खुलालले सबै पदाधिकारीलाई सपथ ग्रहण गराएका थिए ।
सोही समारोहमा उत्कृष्ट नृत्य गर्ने एलिसा राई, फुटबल खेलाडी रञ्जित परियार, नुतन कार्कीलाई सम्मान गरिएको थियो । शाखालाई उत्कृष्ट कार्यक्रम संयोजन गर्ने प्रसान्त निरौला र उत्कृष्ट सदस्य भुवन कार्कीलाई समेत सम्मान गरिएको थियो । शाखा अध्यक्ष राजन प्रसाईको सभापतित्व तथा बेलबारी नगरपालिकाका मेयर ज्ञानेन्द्र सुवेदीको प्रमुख आतिथ्यतामा सम्पन्न कार्यक्रममा नेपाल जेसीजका पूर्व अध्यक्ष भोलेश्वर दुलाल, निरुपित कार्यकारीणी उपाध्यक्ष रबिन पोखरेल, निरुपित राष्ट्रिय उपाधयक्ष सुमनकृष्ण श्रेष्ठलगायतको सहभागिता रहेको थियो । 
