झापा । विवेकशिल साझा पार्टी प्रदेश नम्बर १ को संयोजकमा झापा धुलावारीका अनिल भेटवाललाई चयन गरेको छ ।
सोमवार पार्टीको केन्द्रीय कार्यालय बखुण्डोलमा बसेको केन्द्रीय समितिको बैठकले भेटवाललाई प्रदेश नम्बर १ को संयोजकमा चयन गरेको हो । उनलाई पार्टीका केन्द्रीय संयोजक रविन्द्र समश्रले प्रदेश संयोजक र केन्द्रीय सदस्यमा चयन गरेका हुन् । भेटवाल धुलावारी जेसीजका पूर्व अध्यक्ष र नेपाल जेसीजका पूर्व राष्ट्रिय अध्यक्ष हुन् । सन १९९५ मा २९ वर्षको उमेरमा राष्ट्रिय अध्यक्ष भएका भेटवाल नेपाल जेसीज र अन्तराष्ट्रिय जेसीज इतिहासमा सबै भन्दा कान्छो उमेरका राष्ट्रिय अध्यक्ष हुन् । उनले बनाएको यो रेकर्डलाई अहिलेसम्म कसैले तोड्न सकेको छैन ।
पञ्चायत कालदेखि नै बामपन्थी राजनीतिमा लागेको भेटवाल २०४९ सालमा तत्कालिन धुलावारी गाविसमा एमालेबाट अध्यक्ष पदका प्रत्यासी थिए । भेटवाल २०५६ सालदेखि कम्युनिष्ट राजनीतिमा निष्क्रिय थिए । करिब २० वर्ष राजनीतिबाट टाढा भसेका उनी ८ महिना अघिदेखि रबिन्द्र मिश्रले नेतृत्व गरेको विवेकशील साझा पार्टीसँग नजिक थिए । भेटवालसँग नेपाल जेसीजका पूर्व राष्ट्रिय अध्यक्षहरु प्रदेश संयोजकमा ३ जना भए । यस अघि प्रदेश नम्बर ५ को संयोजकमा पूर्व राष्ट्रिय अध्यक्ष अनुपमान सैजु र कर्णाली प्रदेशको संयोजकमा गहेन्द्र दाहाललाई मनोनित गरिसकेको छ । 
