इलाम, २ माघ : नेपाल प्रेस युनियन इलाम शाखाले झापाको बीएण्डसी अस्पतालका सञ्चालक दुर्गा प्रसाईलाई कारबाहीको माग राख्दै एक प्रेस विज्ञप्ति जारी गरेको छ । इलामका पत्रकारहरुलाई धम्क्याएर फोन गरेका प्रसाईलाई कारबाही गर्न माग गरिएको शाखा सचिव टीका खतिवडाद्वारा हस्ताक्षरित विज्ञप्तिमा जनाइएको छ । पत्रकारले स्वतन्त्र पूर्वक काम गर्न माग गर्दै जारी गरिएको विज्ञप्तिमा भनिएको छ ‘डा केसीका बारेमा समाचार आएका कारण प्रसाईले कान्तिपुरका संवाददातालगायतलाई फोनमार्पmत धम्क्याएका हुन् ।’ डा केसीका माग पुरा हुँदै गर्दा बीएण्डसीले टिचिङ अस्पतालको मान्यता नपाउने भएकाले प्रसाई डा केसीका विपक्षमा रहेको देखिएको छ ।
प्रसाईले नै डा केसीको विरुद्धमा विजय थापा नाम गरेका ब्यक्तिलाई अनसनका लागि इलाममा पठाएको चर्चा यत्रतत्र छ । १२ देखि १५ जना ब्यक्तिहरुसहित इलाममा आएका थापा तन्नाले बेरेर चोकबजारस्थित लाँकुरी चौतारोमा अनसनमा थिए । उनलाई तिनै ब्यक्तिहरुले घेरा हालेर बस्ने गरेका थिए । थापाको मागको विषयमा अहिलेसम्म कहिँ कतै बौद्धिक रुपमा चर्चा आएको छैन । उनी कुन कारणले अनसन बसेका हुन भन्ने मूल तथ्य खोज्न खोज्दा उनको मूल माग केसीप्रति नै देखिन्छ । केसी सरकारी जागिरे भएको र सरकारी तलब खाएर सरकारबिरुद्ध आन्दोलन गर्नेलाई कारबाही नभएसम्म आपूm अनसन बस्ने थापाले जनाउँदै गर्दा उनी बिएण्डसीका सञ्चालक प्रसाइँकै निर्देशनमा अनसन बसेको शङ्का यत्रतत्र चर्चामा छ ।
