काठमाडाैं । चुनाव जितेपछि पाँच नम्बर प्रदेशको राजधानी तोक्ने बिषयमा राजनीति गर्दै आएको सत्ताधारी (ने.क.पा.) को षडयन्त्र चिर्न नेपाली कांग्रेसले आज बुटवलमा १ लाख नागरिकको सहभागीतामा शक्ति प्रर्दशन गर्दैछ ।
जनताको मागबमोजिम रूपन्देहीको बुटवललाइ प्रदेश राजधानी कायम गर्न माग राख्दै प्रतिपक्षीले सत्तापक्षलाइ शक्ति प्रदर्शन सहित दबाब दिन लागेको हो । शेर बहादुर देउवा नेतृत्वको सरकारले बुटवललाई प्रदेश ५ को सहित सातै प्रदेशको अस्थायी राजधानी तोकेपनि (ने.क.पा.) नेतृत्वको प्रदेश सरकारले अन्यत्र राजधानी सार्न कसरत गरिरहेको छ ।
शक्ति प्रदर्शनमा सहभागी नागरिकले वाइडबडी विमान खरिद, प्रदेश ५ मा गाडी खरिदमा अनियमिमता भएकाले त्यसको भण्डाफोर गर्न, निर्मला पन्तको बलात्कारी र हत्यारा पत्ता लगाउन दबाव दिने कांग्रेस रुपन्देही सचिव रामकृष्ण खांणले बताए ।
शक्ति प्रदर्शनपछि हुने सभालाई कांग्रेस संसदीय दलका प्रमुख सचेतक बालकृष्ण खांण, पार्टी प्रवक्ता विश्वप्रकाश शर्मा, केन्द्रीय सदस्यहरु चन्द्र भण्डारी, पुष्पा भुसाल, देवेन्द्रराज कंडेल, मानबहादुर विकलगायतले सम्बोधन गर्नेछन् ।
