बाहुनडाँगी । बलभद्र आधारभूत बिद्यालय मेचीनगर–३ मा १ दिने निःशुल्क आँखा शिविर सम्पन्न भएको छ ।
दिब्यज्योति आँखा अस्पताल मेचीनगर–७ को आयोजनामा भएको उक्त शिविरमा १०० जना बिद्यार्थीहरुको आँखा परिक्षण गरिएको थियो । जसमा एक जनाको अपरेशन गर्नुपर्ने, ११ जनाको चस्मा लगाउनु पर्ने, ७ जनाको आँखामा एलर्जी, ५ जनाको आँखा पाक्ने र २ जनामा भिटामिन ए को कमि देखिएको थियो । अस्पतालका डा. कर्ण योगी र प्रिया थुलुङ् ले आँखा परिक्षण गरेका थिए । बलभद्र आधारभूत बिद्यालयको संयोजनमा भएको शिविर शनिबार सोही बिद्यालयमा आम अभिभावकहरुका लागि निःशुल्क शिविरको आयोजना गरिएको बिद्यालयका प्रधानाध्यापक तिलक बहादुर धिमालले बताए ।
