माघ ५ पथरी
मोरङको पथरीशनिश्चरे नगरपालिकाको नगर खेलकुद विकास समितिको आयोजना आयोजित मोरङ जुनियर जिल्लास्तरीय तेक्वान्दो प्रतियोगिता आज सम्पन्न भएको छ ।
जिल्लास्तरीय तेक्वान्दो प्रतियोगितामा जिल्लाको १० डोजाङ समुहहरुको सहभागिता रहेको सो प्रतियोगितामा २०–३० केजी तौल समुहमा गछिया तेक्वान्दो डोजाङका प्रकाश लिम्वु र पाथीभरा तेकवान्दो डोजाङ समुह पथरीकी कविता गिरी उत्कृष्ट खेलाडी घोषीत भएका छन् ।
त्यस्तै सुकुना तेक्वान्दो डोजाङ समुह प्रथम र गछिया तेक्वान्दो समुह दोस्रो भएका छन् । प्रथम हुने दुवै समुहलाई नगद ३ हजार , २ हजार र ट्रफि,मेडलले सम्मान गरिएको नगर खेलकुद विकास समितिका अध्यक्ष मनि लुम्फुवा लिम्वुले बताए ।
स्थानीय वडा नम्वर ४ मा रहेको भागीरथ माविको प्राङगणमा भएको प्रतियोगितामा २०–२५ केजी, ३०–३५ केजी, ३५–४० केजी, र ४०–४५ केजी खेलाडी तौल समुहका पथरी, सुन्दरहरौचा, विराटनगर, बेलबारी र रंगेलीका १० टिमका ४० जना प्रतिस्पर्धी खेलाडी हरुको सहभागीता रहेको थियो ।
आजको कार्यक्रमको प्रमुख अथितिका रुपमा रहेकी नगर उप–प्रमुख यमुना विष्ट वास्तोलाले शारिरिक तन्दुरुस्तिका लागि कुनै पनि प्रकारको खेलमा सहभागी हुन सवै युवा हरुलाई अव्हान समेत गरेकी छिन् ।
कार्यक्रममा अथितिका रुपमा वडा नम्वर ४ का वडा अध्यक्ष गोविन्द भण्डारी, लगाएत स्थानिय जनप्रतिनिधि, खेल प्रेमी युवा,तथा रजनैतिक तथा समाजिक व्यात्तित्वहरुको सहभागिता रहेको थियो ।
