धुलावारी । भारतमा सम्पन्न तेस्रो साउथ एशियन कराते डोजो च्याम्पियनसिपमा झापा धुलावारीकी सुस्मिता मुखिया मुखियाले स्वर्ण पदक जितेकी छिन् ।
जनवरी १९ र २० मा भएको एशियन प्रतियोगितामा हिमालयन इङलिस एकाडेमी धुलावारी कक्षा ९ मा अध्ययनरत मुखियखले ४५ केजी तौल समूहमा स्वर्ण पदक जितेकी हुन् । प्रतियोगितामा नेपालसहित भारत, भुटान, बंगलादेश र श्रीलङ्काबिच प्रतिस्पर्धा भएको थियो । मुखियाले ६ वटा देशलाई जित्दै स्वर्ण पदक जितेकी हुन् ।
स्वर्ण पदक विजेता मुखियालाई सोमवार विद्यालयमा सम्मानसहित धुलावारी बजार परिक्रममा गरिएको थियो । उनलाई हिम्मत हिमालयन एकाडेमीका निर्देशक हिम्मत क्षेत्री, प्रिन्सिपल मोहन भट्टराई, झापा जिल्ला करातेका अध्यक्ष मिलन पसाई, धुलावारीका कराते प्रशिक्षक हरि बस्नेतलगायतले अबिर मालासहित सम्मान गरेका थिए । सम्मानपछि विद्यालयका विद्यार्थीहरुसहित धुलावारी बजार परिक्रममा गरेका थिए ।