विवेक मिश्र
बेलबारी । निजि तथा आवासीय बिद्यालय संगठन प्याव्सन मोरङले मंगलवार बेलवारी ११ लक्ष्मीमार्ग स्थीत लक्ष्मी खेल मैदानमा दशौं प्याब्सन स्पोर्टस् मिट उद्घाटन भएको छ ।
जिल्ला भरका ८४ वटा निजी विद्यालयहरु सामेल रहेको उक्त स्पोर्टस् मिटमा हजार भन्दा बढि बिद्यार्थीहरु सहभागी रहेका छन् । खेल तिन दिन सम्म सञ्चालन हुने आयोजकले जनाएको छ । मंगलवार पहिलो चरणका खेलहरुमा एक सय मिटर, दुई सय मिटर, चार सय मिटर र आठ सय मिटरका दौडहरु हुनुका साथै लङ जम्प, ज्याब्लीङ थ्रो, भलिवल लगायतका प्रतियोगिताहरु भएका थिए । मंगलवार ज्याभ्लिङ थ्रो खेलको छात्रा तर्फ ब्राइट फ्युचर स्कुलकी वर्ष माझि प्रथम भइन् त्यसैगरी लङ जम्प छात्र तर्फ भृकुटी मोडल एकेडेमिका योगेस यादव र छात्रा तर्फ बाल सदन एकेडेमिकी अमिशा चौधरी प्रथम भईन ।
प्रतियोगीताको प्रथम दोस्रो र तेस्रो बिजेतालाई प्रमाणपत्र र मेडल प्रदान गरीएको थियो । कार्यक्रममा प्रमुख अतिथीका रुपमा आउनुभएका एक नम्वर प्रदेश प्रमुख प्रा.डा. गोविन्द बहादुर तुम्बाहाङ्ले पानसमा बत्ति बालेर प्याब्सन स्पोर्टस् मिटको उद्घाटन गर्नुभएको थियो । कार्यक्रमको उद्घाटन गर्ने क्रममा बोल्दै प्रमुख तुम्बाहाङ्ले कार्यक्रम सफलताको शुभकामना दिनुभएको थियो । त्यसैगरी बिशिष्ट अतिथीहरुको रुपमा प्रदेश सभा सदस्य राजकुमार ओझा, प्याब्सन केन्द्रिय सदस्य दिकाराम पुरी, प्याब्सन प्रदेश अध्यक्ष नारायण घिमिरे लगायतको उपस्थीति रहेको थियो । प्याब्सन स्पोर्टस् मिटमा छात्र तथा छात्रातर्फ दौड, रिले दौड, लङजम्प, हाईजम्प,त्रिफल जम्प, सर्टपुट ज्याभ्लिङ थ्रो तथा भलिभलको खेलहरु समावेश गरिएको प्याब्सन मोरङले जनाएको छ ।