बाहुनडाँगी, ९ माघ । दाङ महिला जेसीजले युवा अवस्थामा हुने लागु पदार्थ दुव्र्यसनी विरुद्धको अभियान सञ्चालन गरेको छ । विशेष गरेर विद्यार्थीहरु धेरै लागु पदार्थमा लाग्ने गरेका छन् । यसको न्यूनीकरण र यस सम्बन्धी सचेतना अभिबृद्धि गराउने उदेश्यका दाङ जिल्लामा रहेको दीपशिखा क्याम्पसमा शाखाले बुधवार लागु पदार्थ दुव्र्यसनी सम्बन्धी सचेतना मुलक कार्यक्रमको आयोजना गरेको हो ।
कक्षा ११ र १२ का विद्यार्थीहरुलाई लक्षित गरी आयोजना गरिएको उक्त सचेतना कार्यक्रमको प्रमुख प्रशिक्षकका रुपमा जिल्ला प्रहरी कार्यालय दाङका प्रहरी निरिक्षक शैलेन्द्रकुमार भट्ट रहनु भएको थियो । प्रहरी निरिक्षक भट्टले साथीहरुको संगत र अभिभावकहरुको नानीहरुप्रति गर्ने नकरात्मक व्यवहारका कारण धेरै जसो लागु औषधमा फस्ने गरेको बताउनु भयो । सहायक प्रशिक्षकका रुपमा दाङ महिला जेसीजकी पूर्व अध्यक्ष विन्दु कुँवर रहुन भएको थियो ।
शाखा अध्यक्ष रेखा शर्माको सभापतित्व तथा दीपशिखा क्याम्पसका क्याम्पस प्रमुख रोमन अधिकारीको प्रमुख आथित्यतामा सम्पन्न कार्यक्रममा दाङ महिला जेसीजकी पूर्व अध्यक्ष सञ्चिता गौतम र त्रिभूवननगर जेसीजका अध्यक्ष बसन्तराज अधिकारीको सहभागिता रहेको थियो ।
जुनु कुमारी बुढाले आस्था पाठ गरेको कार्यक्रमको सञ्चालन महासचिव अनिता ढकालले गुर्न भएको थियो । सहसचिव सिन्धु रिजाल सैयोजक रहुन भएको कार्यक्रममा दाङ महिला जेसीजका पदाधिकारीहरु तथा सोही विद्यालयका विद्यार्थीहरुको सहभागिता रहेको थियो । 
