इटहरी । ट्रिपरको ठक्करबाट बालिकाको मृत्यु भएपछि मोरङको बिराटचौकमा रणभुमी जस्तै भएको छ । ११ बर्षिय बालिका लक्ष्मी ढकालको आफ्नै घर अगाडी ना ३३ प ३३५५ नम्बरको ट्रिपरले ठक्कर दिदा घट्नास्थलमै मुत्यु भए सँगै स्थानीयले १० वटा ट्रिपरमा आगजनी गरीसकेका छन । घटनापछि स्थानीयले पूर्व पश्चिम राजमार्ग बन्द गराएका छन ।
सामान्य घाईते भएको बालिकालाई ड्राईभरले ब्याक गरेर मारेको भन्दै स्थानीयहरुले सडकमै शव राखेर प्रर्दशन जारी राखेका छन ।
जिल्ला प्रशासन कार्यालय मोरङले विराटचौक क्षेत्रमा निषेधाज्ञा जारी गरेको मोरङका प्रमुख जिल्ला अधिकारी रमेशकुमार केसीले बताए । तर स्थानीयले भने प्रर्दशन रोकेका छैनन् । उल्टै पूर्व पश्चिम राजमार्ग बन्द गराएको हुन । पूर्व जाने सबारी साधन गछियामा अड्किएका छन् ।
अत्याधिक चाप हुने समयमा सडकमा ट्रिपर सञ्चालनमा रोक लगाउने भनिए पनि ट्राफिक प्रहरीले नियमन नगर्दा मोरङमा कल्पना नगरेको घट्ना हुन पुग्यो । बिहान साडे ९ बजेदेखि साढे १० साडे बजेसम्म डेढ घण्टा र अपरान्ह साढे ३ बजेदेखि साँढे ४ बजेसम्म एक घण्टा ट्रिपर सञ्चालन गर्न नपाइने निर्णय ट्राफिक प्रहरीले गर्यो तर, त्यसको प्रभावकारी कार्यान्वयन गराउन भने ट्राफिक प्रहरी असफल देखिएको छ ।
तिब्र गतीमा कुदाएकै कारण बालिकाको ज्यान गएको स्थानीयको आरोप छ ।
सोमबार अकल्पनीय घट्नाले धनजनको क्षती मात्र भएन अपराध माथि महाअपराध थपियो । विद्यालयका बसहरु संचालन हुने तथा सडकमा अत्याधिक सवारी चाप समयमा ट्रिपरको हुँइकाई रोकिएको छैन ।
अपरान्ह चल्न नदिने भनिएको समयमा पनि ट्रिपर सञ्चालन रोकिएको छैन । यही नरोकिएकै कारण एक पछि अर्को घट्ना हुन पुग्यो विराटचौकमा । सडकमा अत्याधिक गतिमा कुद्ने ट्रिपरको गति नियन्त्रण गर्ने सकिएको छैन ।
ट्रिपर आतंकले यात्रुहरु त्रास पूर्ण अवस्थामा छन । कति वटा ट्रिपरमा आगलागी भयो भने ट्रापिक प्रहरी सँग तथ्याक समेत छैन ।
