इटहरी । ट्रिपरको ठक्करबाट मृत्यु भएकी ११ बर्षिय बालिका लक्ष्मी ढकालको परिवार र सुन्दरहरैचा नगरपालिका बिच ७ बुदे सहमती पछि साँझ शव उठेको छ ।
बालिकाको मृत्यु पछि आक्रोशित स्थानियले १० वटा ट्रिपरमाथि आगजनी गरेपछि सोमबार दिनभर बिराटचौक तानवग्रस्त बनेको थियो । साँझ सुन्दरहरैचा नगरपालिकाका मेयर शिव ढकालको पहलमा पिडित परिवारसँग सर्वपक्षिय भेलाबाट बिराटचौकमा ट्रिपर संञ्चालनमा निषेध गर्ने र मृतक परिवारलाई क्षतिपुर्ती उपलब्ध गराउने सहमति भएपछि बालिकाको शव उठेको हो ।
घटनास्थलमै शव राखेर स्थानियले प्रदर्शन गरेपछि प्रशासनले निषेधाज्ञा जारी गरेपनि हजारौको संख्यामा रहेका स्थानियको अगाडी प्रशासन निरिह बनेको थियो ।
साँझ बसेको सर्वपक्षिय भेलाले बिराटचौक–बिराटनगर सडक खण्डमा ट्रिपर पूर्ण रुपमा प्रतिबन्ध लगाउने निर्णय गरिएको छ । यस्तै क्षतिपुर्ती उपलब्ध गराउन प्रशासनसँग समन्वय गर्ने सहमति गरिएको छ ।
https://www.youtube.com/watch?v=E5ZdAOEZ1BA&t=7s
