उर्लाबारी । उर्लाबारी नगरपालिकाका मेयर खड्ग फागोले नगरको खेल क्षेत्रको विकासमा नगरपालिका लागि पर्ने बताएका छन् ।
उर्लाबारी क्लबको आयोजनामा बुधबारदेखि सुरु भएको प्रथम फुटसल गोल्डकपको उद्घाटन कार्यक्रममा सम्बोधन गर्दै मेयर फागोले सबै खेललाई सम्मानजनक रुपमा अघि बढाउने बताएका हुन् ।
उर्लाबारीलाई खेलको माध्यमबाट परिचित गराउन सकिने सम्भावना रहेको र त्यसमा नगरपालिका प्रतिबद्ध भएर लागि पर्ने उनको भनाई छ । कार्यक्रममा समाजसेबी जयधर्म आचार्यलगायतले बोलेका थिए । खेल संयोजक सरोज बस्नेतको सभापतित्व भएको उक्त कार्यक्रम सञ्चालन सुजित जसवालले गरेका थिए । सहिद दिवसको अवसरमा आयोजित उक्त प्रतियोगितामा २० वटा टिमको सहभागिता रहेको अध्यक्ष दिनेश श्रेष्ठले जानकारी दिए । काठमाडौंसहित प्रदेश नं. १ भरीका टिमहरुको सहभागिता रहेको छ । उक्त प्रतियोगितामा उर्लाबारी नगरपालिका, समाजसेबी सुन्दर श्रेष्ठ, कमल श्रेष्ठलगायतको सहयोग रहेको छ ।
