झिलझिले माघ १६ ।
शहिद दिवसमा वुधबार साँझ झापाका पन्ध्रवटै स्थानिय तहका वडामा नेपाली काँग्रेसको विद्यार्थी संगठन नेपाल विद्यार्थी संगठनले दिप प्रज्वलन गरेर शहिदको सम्झना गरेका छन । झापाका सवै वडामा दिप प्रज्वलन भएको नेविसंघ झापाका सदस्य अर्जून भट्टराईले जानकारी दिए ।
शिवसताक्षी नगरमा वडा नम्बर ११ को वडा समिति, नेपाल विद्यार्थी संगठन र तरुणदलले संयुक्त दिप प्रज्वलन गरेर शहिदको सम्झना गरेको हो । दुधे वजारमा सयौ कार्यकर्ताले दिप प्रज्वलन गरे । शहिद धर्मभक्त माथेमा, गंगालाल श्रेष्ठ, दसरथ चन्द र शुक्रराज शास्त्रीको तस्वीरमा माल्र्यापण गर्दे दिप प्रज्वलन गरिएको हो । कार्यक्रममा नेविसंघका पुर्व जिल्ला सभापति मनोज खुलाल, शिवसताक्षीका नगर सभापति दिवस बाँस्कोटा, जिल्ला सदस्य अर्जुन भट्टराई र नेपाली काँग्रेसका ११ नम्बर वडाका कार्यवहाक वडा सभापति हर्क सिगु लगायतले शहिदले गरेको त्यागले नै मुलुकले नयाँ मोड लिएको वताएका थिए ।
यस्तै नेपाली काँग्रेसकै विद्यार्थी संगठन नेपाल विद्यार्थी संगठनले जिल्लाका १५ वटै स्थानिय तहमा सरकारको विरोधमा वुधबार साँझ राँके जुलुस निकालेका छन । विर्तामोड, दमक, भद्रपुर, गौरादह, मेचिनगर लगायतका स्थानमा राँके जुलुस निकालेर सरकारको विरोध गरेका हुन । उनीहरुले निर्मला पन्तको परिवारलाई न्याय दिनुपर्ने, वाईवडी जहाज खरिद प्रकृयामा भएको भ्रस्टचारको छानविन गरी दोसीलाई कार्वाहि गर्नुपर्ने, डा गोविन्द केसीको जिवन रक्षाको ग्यारेन्टी गरिनुपर्ने लगायतका नारावाजी गरेका थिए ।
