झापा । नेपाल जेसीजका राष्ट्रिय अध्यक्ष सिनेटर महेश पौडेललाई लायन्स क्लब डिस्टिक ३२५ ए वानले सम्मान गरेको छ ।
शनिवार दमकस्थित कनकाइ पार्टी प्यालेसमा आयोजित तेस्रो डिस्टिक क्याविनेट मिटिङमा राष्ट्रिय अध्यक्ष पौडेललाई सम्मान गरेको हो । अध्यक्ष पौडेललाई दोसल्लासहित सम्मान पत्रद्धारा सम्मान गरिएको थियो ।
लाइन्स क्लब अफ इटहरी सिटिका संस्थापक अध्यक्ष पौडेललाई लायन्सको सदस्य नेपाल जेसीजको राष्ट्रिय नेतृत्व गर्ने जिम्मेवारी पाएको भन्दै विशेष समारोहकाबिच अध्यष पौडेललाई सम्मान गरेको हो ।
सम्मानपछि बोल्दै राष्ट्रिय अध्यक्ष सिनेटर पौडेलले जेसीज र लायन्सका हरेक उदेश्यहरु एउटै भएको बताउनु भयो । उहाँले जेसीज र लायन्स केही कुराहरु समान रहेको बताउँदै मानवताको सेवा, जनसम्पर्कको विकास, वन्धुत्वको विकास, व्यवसायिक सम्बन्धको विकास गर्ने कुरमा समान रहेको बताउनु भयो े । कार्यक्रम डिस्टिक गवर्नर अनन्त भेटवालको अध्यक्षतामा सम्पन्न भएको थियो । 
