बेलबारी । कम्युनिष्ट सरकारप्रतिको निराशापनले यतिवेला गाउँ गाउँमा कांग्रेस प्रवेशको लहर चलेको छ । मोरङको बेलबारी नगरपालिका वडा नं ३ धिमाल टोलका २ सय बढि नेपाली कांग्रेसमा प्रवेश गरेका छन । सनिबार आयोजना भएको पार्टी प्रवेश कार्यक्रममा धिमाल टोलबाट पुर्व एमाले र माओवादीबाट उक्त संख्यामा नेपाली कांग्रेसमा प्रवेश गरेका हुन ।
उक्त टोलका टिका धिमाल, मनमाया भटराई, योग्य न्यौपाने, सन्तबिर तामाङ लगायत २ सय बढिको संख्यामा काँग्रेसमा प्रवेश गरेका छन । नेपाली काँग्रेस नगर सचिव उपेन्द्र सुवेदीको पहलमा झन्डै ६० घरका नेपाली काँग्रेसमा प्रवेश गरेका हुन ।
नेकपा बाट मेयर जितेका ज्ञानेन्द्र सुवेदीकै घर पछाडी रहेको धिमाल टोलबाट ठुलो संख्यामा काँग्रेसमा प्रवेश गर्दा नेकपामा भने तरङग उत्पन्न भएको छ ।
संघिय संसदका उमेद्वार डा. सुनिल सर्मा, महेन्द्र सुवेदी, नगेन्द्र कटेल, ३ नं क्षेत्रिय सभापती गणेश खड्का, जिल्ला संगठन बिभाग प्रमुख मान बहादुर लिम्बु, नगर सभापति सम्भु भटराई लगायतले नव प्रवेसीहरुलाई टिका, खादा, माला लगाइदिएर पाटीमा प्रवेश गराएका थिए ।
