उर्लाबारी । उर्लाबारी नगरपालिकाका नगर प्रमुख खड्ग फागोले नयाँ वर्षका रूपमा तामाङ समुदायले मनाउने सोनाम ल्होछार २८५५ का अवसरमा स्वदेश तथा विदेशमा रहनुभएका सम्पूर्ण दिदीबहिनी तथा दाजुभाइमा सुख, शान्ति, समृद्धि एवं प्रगतिका लागि शुभकामना व्यक्त गर्नुभएको छ ।
चन्द्रपात्रोअनुसार मनाईने सोनाम ल्होसारका अवसरमा शुभकामना सन्देश जारी गर्दै उहाँले सो पर्वको शुभकामना दिनुभएको हो । मुलुकमा मनाइने यस्ता चाडपर्व र संस्कृतिको संरक्षण तथा सम्वद्र्धन गर्न सकेमा विश्वसामु नेपाल र नेपालीको पहिचान कायम राख्न सकिने भएकाले यसतर्फ हामी सबैको ध्यान जानुपर्ने उहाँले बताउनुभएको छ ।
उर्लाबारी नगरपालिकाले सार्वजनिक विदा समेत दिएको जानकारी दिदै उहाँले यस पर्वबाट सबै नेपालीबीच एकता सुदृढ गर्दै नयाँ उत्साह एव उमङ्गका साथ देशमा शान्ति, सद्भाव र सहिष्णुता कायम गरी आर्थिक, सामाजिक र सांस्कृतिकरूपले समृद्ध नेपाल निर्माण गर्ने प्रेरणा सबैमा मिलोस् भन्ने कामनासमेत गर्नुभएको छ ।
कुकुर वर्ग वर्षको बिदाइ र सुँगुर वर्ग वर्षको स्वागत गरेर मनाइने सोनाम ल्होछारका अवसरमा सम्पूर्ण तामाङ दिदीबहिनी तथा दाजुभाइ र नेपालीमा सुख, शान्ति, सुस्वास्थ्य, समृद्धि एवं उत्तरोत्तर प्रगतिको कामना गर्नुभएको छ ।
