मेचीनगर । बेलायतको फोक्टन सिटिका पुर्व काउन्सिलर धन गुरुङ किरण आफ्नो गृह नगर काकरभिट्टामा साँगितिक प्रस्तुती लिएर आउने भएका छन ।
काकरभिट्टा घर भएका गुरुङ बेलायती सेनाको जागिरे जीवन पछि बेलायतमा नै राजनितिक जीवनमा सक्रिय हुनुहुन्छ । बेलायतको फोक्टन सिटिका पुर्व काउन्सिलर गुरुङ बेलायतमा पहिलो नेपाली काउन्सिलर पनि हुन ।
बिद्यालय उमेरदेखी नै संगीतका पारखी गुरुङ आगामी फागुन ३ गते काकरभिट्टामा सांगितिक प्रस्तुती लिएर आउने सोमबार आयोजित पत्रकार सम्मेलनमा जानकारी गराईएको छ । काकरभिट्टा स्थीत धन गुरुङको घरमा नै आयोजित पत्रकार सम्मेलनमा गुरुङले आफु ३३ बर्ष पछि गायकका रुपमा आफ्नो ठाउँमा उभिन लागेको बताउनु भयो ।
गोर्खा सांगितिक साँझ नाम दिएको उक्त कार्यक्रममा गुरुङसंगै नेपालका चर्चित हास्य कलाकार मानोज गजुरेल र अहिलेकी चर्चित गायिका मेलिना राईलाई पनि स्टेजमा देख्न सकिने पत्रकार सम्मेलनमा जानकारी दिएको थियो ।
गोर्खा मेमोरियल फाउण्डेसन नेपाल र काकरभिट्टा भेट्रान फुटबल क्लबको संयुक्त आयोजनामा हुन लागेको गोर्खा साँगितिक साँझबाट संकलित रकम मेचीनगरको स्वास्थ्य, शिक्षा र खेलकुदमा खर्च गरिने भेट्रान क्लबका अध्यक्ष गंगालाल गुरुङले पत्रकार सम्मेलनमा जानकारी दिनु भयो ।
आम मानिसलाई पनि उक्त सांगितिक कार्यक्रम हेर्न सजिलो होस भनेर रु १०० को टिकट मात्र राखिएको र बिशेष सहयोगिहरुका लागि डोनर कार्डको ब्यवस्था समेत गरिएको अर्को आयोजक संस्था गोर्खा मेमोरियल फाउण्डेशन नेपालका अध्यक्ष नगेन्द्र गुरुङले बताउनु भयो ।
