चारखोले शिशिर(लिङदम) को ‘नाना हौ’ मा थात्थलोको नायिका सुमी लिम्बू ठेट पूर्बेली लोकगीत ‘नाना हौ’ बोलको लोकगीत चारखोले शिशिरले बजारमा ल्याएका छन् ।
दुई दशकदेखि सङ्गीत र साहित्यमा साधनारत चारखोले शिशिरको आफ्नै स्वरको यो डेब्यू गीत हो । पछिल्लो चरणमा केहि गीतहरू रेकर्ड गराएका शिशिरले यो गीत एल्बमकोलागि तयार गरेका हुन् । सङ्गीतमा भने ख्याती कमाईसकेका शिशिरले ईलामबाट नै गीत-सङ्गीतमा शुरु गरेका थिए । ठेट र मिठास भाकामा लय भरिएको यस गीतको सङ्गीत पनि गायक स्वयमले गरेका हुन् ।
अब यस लगत्तै ‘म त झण्डै लडेको..’ बोलको लोकगीत पनि सार्वजनिक गर्न लागेका शीशिरको यस गीतको म्युजिक भिडियो तेह्रथुम जिल्ला र पाँचथरको सिमाना तमोर नदीको किनार माझी टारमा छायाङ्कन भएको हो । थात्थलोकी नायिका सुमी लिम्बूको साथमा पाँचथर कै हाम्रो थिएटर नेपालका नाट्य समूहका नामहाङ चोङ्बाङ, ललिता थाम्सुहाङ र जितेन केरुङले अभिनय गरेका छन् ।
यस भिडियोको निर्देशन तथा सम्पादन खगेन्द्र पन्धाक लिम्बूले गरेका छन भने खगेन्द्र पन्धाक लिम्बू, बिबी लिम्बू र पर्शुराम लिम्बूले छायाङकन गरेका छन् । यो म्युजिक भीडियोलाई Rainbow Rays Media प्रोडक्सनले विश्वव्यापी रुपमा रिलिज गरेको हो ।
