देबु बानियाँ
बाहुनडागी । मनोहरा जेसीज वर्ष २०१९ को पहिलो महिनामै उत्कृष्ट शाखाको अवार्ड पाउन सफल भएको छ ।
नेपाल जेसीजले हरेक महिना प्रदान गर्ने ‘जेसीज अफ द मन्थ अवार्ड’ बाट क्षेत्र ‘ग’ अन्तरगत जनवरी महिनाको उत्कृष्ट शाखाको अवार्ड प्राप्त गरेको छ । जेसीजको मिसन र भिजन अनुसार सामाजिक क्षेत्रमा उत्कृष्ट कार्य सम्पादनको आधारमा नेपाल जेसीजले यो अवार्ड प्रदान गर्नै आएको छ । नेपाल जेसीजका राष्ट्रिय अध्यक्ष सिनेटर महेश पौडेलले क्षेत्र ‘ग’ बाट उत्कृष्ट शाखाको रुपमा मनोहरा जेसीज छनोट भइ उत्कृष्ट शाखा अवार्ड प्राप्त गरेको बताउनु भएको छ ।
शाखाले उत्कृष्ट अवार्ड प्राप्त गरेपछि शाखा अध्यक्ष रजनी थापाले नेपाल जेसीजप्रति आभार व्यक्त गर्नु भयो । साथै उहाँले यो अवार्डले शाखालाई थप हौषला प्राप्त भएको बताउनु भयो । शाखालाई उत्कृष्ट बनाउन साथ र सहयोग गर्ने शाखाका पदाधिकारीहरु, पूर्व अध्यक्षहरु, निवर्तमान अध्यक्ष सबैलाई धन्यवाद व्यक्त गर्नु भयो । 
