कुमार खड्का माघ २८,पथरी ।
प्रदेश नम्वर १ का मुख्य मन्त्रि शेरधन राईले मोरङको पथरी शनिश्चरे नगरपालिका वडा नम्वर २ मा स्थापना भएको उचित जैविक मल उद्योग लाई आगामी वर्षमा विस्तार गर्दै प्रदेश स्तरिय वनाउने वताएका छन् ।
सोमवार उद्योगको उद्घाटन गर्दै राईले प्रदेश सरकारको तर्फ वाट आगामी वर्षमा स्थापित उद्योग सञ्चालन गर्न वजेटको व्यावस्थापन गरि प्रदेश नम्वर १ कै उद्योगका रुपमा स्थापित गराउन सहयोग गर्ने प्रतिबद्घता जाहेर गरेका छन्
वर्तमान अवस्थामा कृषक हरुले कृषीजन्य वस्तुको उत्पादनमा विभिन्न रसायनिक विषादीहरुको प्रयोग बढि मात्रामा गर्ने गरेको र उत्पादित कृषि उपजले मानव स्वास्थ्यमा नकरात्मक असर पारेको कुरा उल्लेख गर्दै प्रदेश सरकारले अर्गानिक कृषि उत्पादनमा लगानी गर्दै उत्पादित वस्तुलाई वजारीकरणमा समेत सहयोग गर्ने राईले वताए ।
प्रदेश नम्वर १ देशकै उर्वर भुमि रहेको वताउदै प्रदेशलाई समृद्धि प्रदेशका रुपमा अगाडी लैजान प्रदेश सरकारले कृषिमा लगानी गरि प्रदेश १ लाई कृषिमा आत्मनिर्भर वनाउने वताएका हुन ।
२०७४ माघ ५ गते नगर प्रमुख दिलिप कुमार राईले शिल्यान्यास गरेको सो उद्योगले आजवाट औपचारिक रुपमा जैविक मल उत्पादन थालेको हो । नगरका लागि मात्र नभएर १ नम्वर प्रदेशका कृर्षकहरुलाई प्रोत्साहित गर्ने काम थालेको उद्योगमा जैविक मल, जैविक विषादी र जैविक पौष्टिक आहारा उत्पादन हुँदै आएको छ ।
जहाँ १० वटा संस्थाको सहकार्यमा उद्योग स्थापना गरेर वढ्दो रासायनिक मल र विषादी हटाउने अभियान अघि बढाइएको हो । सो कार्यमा सोही वडाको उत्साहि साना किसान कृषि सहकारी संस्थाको संयोजनमा कृषि क्षेत्रमा काम गर्ने मोरङ, झापा र इलामका १० संस्थाको ६३ लाख र बाँकी प्रालिको केन्द्रले गरी साढे २ करोड लगानी भएको छ ।
जसमा उत्साहीले सवैभन्दा बढी २१ लाख लगानी गरेको छ । कृषक समूहले १,१ लाख र कृषि सहकारी संस्थाले न्यूनतम् ५ लाख रुपैयाँका दरले त्यहाँ लगानी भएको र आगामी ५ वर्ष भित्रमा ७ वटै प्रदेशमा विस्तार गर्ने योजना रहेको सञ्चालक एवम् प्राविधिक कृष्णचन्द्र महर्जनले वताए ।
१ विगाहा जग्गा वार्षिक २५ हजारमा १५ वर्षे लिजमा लिएर १ वर्षअघिबाट उद्योग निर्माण थालिएको थियो । प्रतिघण्टा १ टन मल उत्पादनको क्षमता रहेको उद्योगका सञ्चालकले वताए ।
पहिलो वर्ष दैनिक ७ टन उत्पादनको लक्ष्य रहेको भएतापनि । यो वर्ष २ करोडको कारोबार गर्ने र अर्को वर्ष दोब्बर बनाएर लैजाने उद्योगको लक्ष्य रहेको छ ।
उद्घाटन कार्यक्रममा प्रदेश सभासदस्य सुयर्माराज राई, नगर प्रमुख दिलिप कुमार राई, वडा नम्वर २ का वडा अध्यक्ष तथा उद्योगका आन्तरिक लेखा संयोजक याम प्रसाद गुरागाई,स्थानिय जनप्रतिनिधि हरु,किशान आयोगकी केन्दि«य सदस्य तथा प्रदेश नम्वर १ संयोजक मिना तामाङ लगाएतको उपस्थिति रहेको थियो ।
