मेचीनगर । इटाभट्टा स्थित एभरेष्ट भ्यू अङ्ग्रेजी स्कूलले बुधबार एभरेष्ट गट ट्यालेन्ट सम्पन्न गरेको छ ।
सो प्रतियोगितामा विद्यार्थीहरुले नेपाली गीत तथा नृत्यमा एकल र सामूहिक प्रतिष्पर्धा गरेका थिए ।
प्रतियोगिताको गायनमा अनुजा गिरी प्रथम, आयुष्मा सापकोटा द्धितीय र दिपेश गिरी तृतीय भए भने नृत्यमा अनुपमा शर्मा प्रथम, अस्मिता श्रेष्ठ द्धितीय र प्रेरणा श्रेष्ठ तृतीय बने ।
प्रतियोगिताका विजेतालाई विद्यालयका संस्थापक प्रिन्सिपल विनोद बुढाथोकी, निर्देशक रुपसागर अधिकारीलगायतले पुरस्कार प्रदान गरेका थिए ।
विद्यार्थी सलिना राईले स्वागत गरेको सो कार्यक्रमको सञ्चालन शिक्षक गोविन्द आचार्य र विद्यार्थी प्रस्ताव श्रेष्ठले संयुक्त रुपमा गरेका थिए ।
