काठमाडौं । सामाजिक काममा क्रियाशिल रहनुभएका मोरङ कानेपोेखरीका देवेन्द्र लुईटेलको कामले धेरै जनाको मन छोएको छ । लुईटेल घर आउँदा होस या जाँदा आफ्नो ठाउँको २ देखी ३ जना सम्मलाई आफ्नो निजी कारमा निशुल्क चढाएर गन्तब्यमा पुर्याईदिनुहुन्छ ।
काठमाठौंबाट घर कानेपोखरी जाँदा वा कानेपोखरीबाट काठमाडौ, फेसबुकमा यस्तो पोष्ट गर्नुहुन्छ, कोहि जाने हुनुहुन्छ भने सम्पर्क गर्नुहोला । नभन्दै उहाँको पोष्टमा कमेन्ट आउछ कि त सम्पर्क गर्छन् । अनि उहाँले आफु जाँदा सम्पर्कमा आएकाहरुलाई लगिदिनुहुन्छ ।
समाजसेवी लुईटेल भन्नुहुन्छ, त्यसैपनि म घर जाँदा कार खालि नै हुन्छ,गन्तब्यमा पुर्याईदिएर गाउँवाशीको सेवा गर्न पाइएको छ । उहाँहरुको गाडीभाडा खाना खर्च जोगिन्छ । निशुल्क ल्याएपछि खाना आफै तिरेर खान्छौ भन्दा पनि लुईटेल खर्च तिर्न पटक्कै दिनुहुन्न ।
लुईटेलको यो कामले गाउँमा निक्कै प्रशंशा पाएको छ । किनकी गाडी भाडामा लाग्ने खर्च जोगिएको छ । सहजयात्रा भएको छ । उहाँको ओहोर दोहोर गर्ने काम परिरन्छ । त्यसैले महिनामा ६/ ७ चोटी ओहोर दोहोर हुन्छ ।
आजभोली गाउँघरमा कोहि काठमाडौं जानु परे वा काठमाडौंबाट घर आउनु परे धेरै जनाले सम्झिहाल्छन्, देबेन्द्र दाई घर कैले जानुहुने रैछ ।
लुईटेलको सामाजिक कामहरु यतिमै सिमित छैन । लुईटेलले धेरै काम गाउँकै हितमा गर्दै आउनुभएको छ । स्थानीय स्तरमा खेलकुद,विकास निर्माण,शैक्षिक क्षेत्रमा उहाँले सकेको सहयोग गर्दै आउनुभएको छ । लुईटेल गाउँ आउँदा गाउँघरकै विकास निर्माणका काममा आफुले पुर्याउन सक्ने सहयोगको बारेमा लागिपर्नुहुन्छ । केहि न केहि सामाजिक काम गरेकै हुनुहुन्छ । त्यसैले युवा व्यवसायी समेत रहनुभएका लुईटेल गाउँवाशीको प्रिय हुनुहुन्छ ।
गाउँमा मठमन्दिर भजन कृतनका साउण्ड सिस्टम दिने, सन्थाल,मुसहर बस्ती सबैमा कैले न्यानो कपडा त कैले उनीहरुको चाँडपर्वको लागि सहयोग पुर्याउनुहुने लुईटेल आफ्नो सामाजिक कामलाई अझै फराकिलो बनाउदैं लैजाने बताउनुहुन्छ । उहाँ गाउँका युवाहरुको यतिवेला मार्गदर्शक पनि हुनुहुन्छ । 
