उर्लाबारी । उर्लाबारी उद्योग वाणिज्य संघ महासचिव पदमा झिनो मतले पराजित भएका उर्लाबारी —९ का युवा व्यवसायी हेमराज गुरुङ स्थानीय स्तरमा सामाजिक काममा झनै रफ्तारमा छन् ।
ब्यापारीहरुको पिर मर्कामा साथ दिनेमात्र होईन, स्थानीय स्तरमा उज्यालो समाज राजघाट मार्फत व्यापक रुपमा सामाजिक काममा अहोरात्र खटिरहेका छन् ।
हेमराज अध्यक्ष रहेको उज्यालो समाज राजघाटले तिहारमा देउशी खेल्दा स्थानीयको राम्रो साथ सहयोग पाएको छ । त्यसको श्रेय हेमराजको इमान्दारीता लगनशिलता नै पर्छ । अनि हेमराजसँगको साथीभाईको टिमवर्क ।
यतिधेरै सामाजिक काममा मरिहत्ते गर्ने हेमराज गुरुङलाई वाणिज्य संघमा महासचिव जिताउन सकिएन, स्थानीय श्याम नेपालले खुलेरै भने, ‘चुनाव जितुन हारुन हाम्रो महासचिव हेमराज नै हो । ’
चुनावलाई सामाजिक कामलाई फराकिलो बनाउने अबसरको रुपमा लिन्छन् । तर सामाजिक काम गर्न सेवा गर्न पदमा बसिरहनु नपर्ने बताउछन् । चुनाब जितेर काम गर्न आएको थिए, यो पटक मन जिते अर्को पटक भोट जितौला । पदमा रहेपनि नरहेपनि सेवामा तत्पर रहनेछु ।
घात अन्तरघात भन्दा नि आफुले निक्कै साथ सहयोग पाएकोले थोरै मतान्तरले हार बेहोरेको हेमराजको भनाई छ ।
हेमराज लगायतका युवाहरुको टिमले अहिले एभरेष्ट फन पार्क उर्लाबारीमा सन्चालनमा ल्याउन लागेको छ ।
