झिलझिले, फागुन १० ।
दाउरा काट्न रुखमा चढेका झापाका एक युवकको लडेर बिहीबार मृत्यु भएको छ । ईलाका प्रहरी कार्यलय झिलझिलेका अनुसार शिवसताक्षी नगरपालिका वडा नम्वर १ बस्ने ३१ वर्षीय सुमन राईको रुखवाट लडेर घटना स्थलमै मृत्यु भएको हो ।
धरमपुर उत्तरको रतुवामाई वृक्षारोपण आयोजना अन्तर्गतको जंगलहातामा रहेका मसला जातको रुखको हाँगा काटेर दाउरा संकलन गर्न उनी रुखमा चढेका थिए । प्रहरीका अनुसार केहि हाँगा काटेर भुईमा खसालेका राई अन्य हाँगा काट्न अझै माथी चढेका थिए । रुखमाथी चढ्ने क्रममा चिप्लीएर उनले काटेर भुईमा झारेको हाँगामा राईको निधार बजारिएको प्रहरीले जनाएको छ ।
दिउसो साढे तिनवजेतिर राई साईकल र खुर्पा लिएर जंगल पसेका थिए । साँझ सम्मपनि राई घर नपर्कीएपछि उनको खोजि हुदा मृत फेला परेको प्रहरीले जनाएको छ ।
