मेचीनगर, १०, फागुन । मेचीनगर नगरपालिका वडा नम्बर १३ का जनतालाई प्रविधिको पहुँचसम्म पुर्याउने लक्ष्यका साथ वडामा फ्रि वाइफाई सञ्चालनमा ल्याइएको छ । फ्रि वाईफाइ जोनको शुक्रवार उद्घाटन गरिएको छ । उक्त वाइफाइ जोनको उद्घाटन वडा अध्यक्ष कृष्णराज सिग्देलले गर्नु भएको थियो ।
उच्च गतिको वाइफाई ३ एमबीको हुने र २४ घण्टामा ९० मिनेट मात्र प्रयोग गर्न सक्ने व्यवस्था छ ।
३० हजारको लागतमा जोडिएको वाइफाइ चारआली चोकमा र वडा कार्यालयमा रहने वडा अध्यक्ष सिग्देलले बनाउनु भयो । कार्यपालिका सदस्य निरु परियारको अध्यक्षतमा भएको कार्यक्रममा सामाजसेवी शरद सिवाकोटी र कुमार राना मगरले बोल्नु भएको थियो । वडा सदस्य ऋषी राजवंशीले स्वागत गर्नु भएको कार्यक्रमको सञ्चालन सन्तोष न्यौपानेले गर्नु भएको थियो ।
