कुमार खड्का फागुन ११, पथरी
मोरङ्गको पथरी शनिश्चरे नगरपालिकामा फागुन १७ देखि चौथो नगर वडा कप नक आउट फुटबल प्रतियोगिता हुने भएको छ ।
“हाम्रो नगर हाम्रो शान खेलकुद विकास हाम्रो आह्वान” भन्ने नाराको साथ सो प्रतियोगिता हुन लागेको हो ।
पञ्चायत माध्यमिक विद्यालयको खेल मैदानमा हुने प्रतियोगिताको विजयीवडाले नगद ५१ हजार, उप–विजयीता वडाले ३१ हजार सहित ट्रफी र मेडल प्राप्त गर्ने वताईएको छ ।
विजयीको पुरस्कार वाल्मीकि मेमोरियल बोर्डिङ स्कुल र उप विजेताको पुरस्कार ब्रिटीस आर्मी युके ग्रुपले प्रायोजन गर्ने खेल संयोजक बिक्की राईले जानकारी दिए ।
क्लबको आयोजनामा हुने सातौं संस्करणको प्रतियिगिता नगर वडा कप तर्फ भने चौथो रहेको शनिवार आयोजित पत्रकार भेटघाट कार्यक्रममा आयोजकले जानकारी दिएको छ ।
प्रतियोगितामा उत्कृष्ट गोलकिपर, उत्कृष्ट डिफेन्डर, उत्कृष्ट मिड फिल्डर , उत्कृष्ट फर्वाड, उत्कृष्ट खेलाडी , उदयमान खेलाडी र उत्कृष्ट प्रशिक्षकलाई समेत पुरस्कृत गरिने आयोजक क्लवका अध्यक्ष मदन राईले बताए ।
बिधागत बिजेताहरुले जनही २५ सय रुपैयाँ र ट्रफी प्राप्त गर्ने छन भने प्रत्येक दिनको मेन अफ द म्याचले १५ सय रुपैयाँ प्राप्त गर्ने आयोजकले बताएको छ
मेन अफ द म्याचको पुरस्कार पथरी शनिश्चरे १ मा रहेको सिक्का लञ्ज एण्ड बारले प्रायोजन गरेको छ ।
नगरमा रहेका खेलप्रेमी युवाहरुलाई लागू औषध दुव्र्यसनी बाट टाढा राखी स्वस्थ जीवन बिताउन अभिप्रेरित गर्न प्रतियोगिताको आयोजना गरिएको खेल संयोजक राईको भनाई छ ।
प्रतियोगिता सम्पन्न गर्न अनुमानीत ६ लाख १० हजार रुपैया लाग्ने आङ्कलन आयोजकले गरेको । क्लबले यस अघि पनि विभिन्न सामाजिक क्षेत्रमा क्रियाशिल हुदै काम गर्दै आएको छ ।
