बाहुनडाँगी । रामनगर जेसीजको आयोजनामा एक दिने लोम अफिसर ट्रेनिङ सम्पन्न भएको छ । सुनवल १२ हिमालयन होटलमा सम्पन्न तालिमको मुख्य प्रशिक्षकको रुपमा नेपाल जेसीजका राष्ट्रिय उपाध्यक्ष जेसीआई सिनेटर कमल भण्डारी रहनु भएको थियो । उपाध्यक्ष सिनेटर भण्डारीले शाखाका पदाधिकारीहरुलाई तालिममा सहजीकरण गर्दै वर्ष २०१९ का राष्ट्रिय अध्यक्ष जेसीआई सिनेटर महेश पौडेलले ल्याउनु भएको राष्ट्रिय प्रकरण ''Rise to Lead''का बारेमा प्रकाश पार्नु भएको थियो ।
शाखा अध्यक्ष हिमा न्यौपानेको सभापतित्व तथा राष्ट्रिय उपाध्यक्ष सिनेटर कमल भण्डारीको प्रमुख आतिथ्यतामा सम्पन्न कार्यक्रममा शाखाका निवर्तमान अध्यक्ष तथा राष्ट्रिय उपाध्यक्ष भोजराज चापागाईले बोल्नु भएको थियो । कार्यक्रमको सञ्चालन सचिव भगवती बस्यालले गर्नु भएको थियो । कार्यक्रमको संयोजक भविश्वरा चापागाई रहनु भएको थियो भने प्रकरण निर्देशक तारा पाण्डेको विशेष सहयोग रहेको थियो । 
