बाहुनडाँगी । बलभद्र आधारभूत विद्यालय मेचीनगर ३ मा अभ्यास शिक्षणमा आएका विद्यार्थीहरुको आइतवार विदाई गरिएको छ ।
भानु मावि मेचीनगर २ मा कक्षा १२ मा शिक्षा संकाय लिएर अध्ययन गर्दै गरेका विद्यार्थीहरु पुजा मगर, अञ्नु पुलामी, गिता तामाङ, पुजन रसाइली र विमला सुनुवार गत माघको पहिलो साताबाट अभ्यास शिक्षणमा आएका थिए । शिक्षा संकाय लिएर अध्ययन गर्ने विद्यार्थीले ५० नम्बर पूर्णाङ्को परीक्षाका लागि अनिवार्य अभ्यास शिक्षणका लागि जानु पर्ने हुन्छ । सोही अनुसार उनीहरुले यस विद्यालयमा १ महिना लगाएर अध्ययापन गराएका थिए ।
विद्यालयका प्रधानाध्यापक तिलकबहादुर धिमालको सभापतित्वमा सम्पन्न विदाई कार्यक्रममा विद्यालयका सहायक प्रधानाध्यापक हरिप्रसाद चापागाई, शिक्षक देबु बानियाँ र प्रशिक्षार्थी अञ्जु पुलामीले बोलेका थिए । कार्यक्रमको सञ्चालन शिक्षक निरज पोखरेलले गरेका थिए । 
