उर्लाबारी । मोरङको उर्लाबारी—९ स्थित सार्वजनिक माविको ५३ औं बार्षिक उत्सव तथा स्वर्ण महोत्सव बिहिवारबाट सुरु भएको छ । महोत्सवको उद्घाटन कार्यक्रमका प्रमुख अतिथि उर्लाबारी नगरपालिकाका मेयर खड्ग फागोले गर्नुभएको थियो । विहीवारबाट सुरु भएको महोत्सव शनिवार सम्म चल्नेछ । स्वर्ण महोत्सवमा विद्यालयमा स्थापनाकाल देखि सहयोग पुर्याउनुहुने दाता,सहयोगी संस्थाहरुलाई सम्मान गरिएको थियो । 
यसरी सम्मान हुनुहुनेमा स्थानीय चौकीलाल धिमाल,समाजसेवी सुन्दर श्रेष्ठ,गोमबहादुर घिसिङ,सोमबहादुर धिमाल,बिष्णु बहादुर आङबुहाङ लगायत रहनुभएको छ । विद्यालयमा भब्य रुपमा भएको स्वर्ण महोत्सवमा आयोजित कार्यक्रममा चर्चित हाँस्यकलाकार उमेश राई फुलन्देको आमाले दर्शक दिर्घालाई मनोरञ्जन प्रदान गर्नुभएको थियो । उहाँले हाँस्य खुराकमात्र प्रस्तुत गर्नुभएन नृत्य समेत देखाएर निक्कै रमाईलो प्रदान गर्नुभएको थियो । सो कार्यक्रममा सोहि विद्यालयकी पूर्व विद्यार्थी नायिका सिर्जना सुब्बा पनि सहभागि हुनुभएको थियो भने महोत्सवको पूर्वसन्ध्यामा भएको कार्यक्रमको बिजेता विद्यार्थीहरुलाई पुरस्कार प्रदान गरियो । 
विद्यालयका शिक्षक नितीरमण भट्टराईले सन्चालन गर्नुभएको कार्यक्रममा विद्यालयका प्रअ टंक दुलालले विद्यालयका प्रगती विगत वर्तमान सुनाउनुभएको थियो । कार्यक्रममा विद्यालयका अध्यक्ष कुरुराज आङबुहाङको सभापतित्वमा भएको थियो । महोत्सव आज शुक्रवार सम्म चल्नेछ । 
