बाहुनडाँगी । कोहोलपुर जेसीज वर्ष २०१९ की अध्यक्ष संगीता पौडेलको यो वर्षको जन्मदिन पृथक रहयो । अघिल्लो वर्षदेखि जन्मदिनमा विषेश रुपमा सामाजिक सेवामा समर्पिति रहेर आफ्नो जन्मदिन मनाउँदै आउनु भएको अध्यक्ष पौडेलले यो वर्ष नेपालगञ्जमा रहेको बृद्धआश्रममा न्यानो कपडा वितरण गरेर फरक रुपमा मनाउनु भएको हो । गत वर्ष पनि दृष्टिबिहिन बालबालिकाहरुसँग रहेर जन्मदिनु मनाउनु भएको थियो । उहाँले नेपालगञ्जमा रहेको निलसागर शिव पार्वती बुबा मुमा आश्रमका ५ थान ब्ल्यााङकेटका साथै फलफुल वितरण गर्नु भएको थियो ।
साथै अध्यक्ष पौडेलले बृद्ध आमा बुबाहरुसँग आशिर्वादका रुपमा टिका ग्रहण गर्नु भएको थियो । यसैगरी अध्यक्ष पौडेलले त्रिभूवन माविमा रहेका दृष्टिबिहिन बालबालिकालाई एकदिनको भोजन गाउनु भयो । अध्यक्ष पौडेलले आफ्नो जन्मदिन फरक अनुभूतिका साथ मनाउने अवसर पाएकोमा खुसी व्यक्त गर्नु भयो । उहाँले आफ्नो जन्मदिनलाई विशेष रुपमा मनाउने अवसर प्रदान गर्ने कोहोलपुर जेसीजप्रति आभार व्यक्त गर्नु भयो । कोहोलपुर उद्योग बाणिज्य संघकी सदस्य समेत रहनु भएकी पौडेल यस क्षेत्रकी युवा व्यवसायी तथा युवा नेतृका रुपमा परिचिरत हुनुहुन्छ । 
