काठमाडौं । राहत शिक्षकको आन्दोलनमाथि प्रहरीले कानुनले दिएको शक्ति प्रयोग गरेको छ। उनीहरुको आन्दोलनमा प्रहरीले ठाडो हस्तक्षेप गरेपछि दुवै पक्षबीच सामान्य घम्साघम्सी भएको थियो। राहत र बालविकास शिक्षकहरुले पेशागत सुरक्षा र स्थायीत्वको माग गर्दै नयाँ बानेश्वरमा सोमबार सरकारविरुद्ध प्रदर्शन गर्दे चर्को नारा लगाएका थिए।
आन्दोलनको क्रममा उनीहरुले निषेधित क्षेत्रमा प्रवेश गर्न लागेपछि प्रहरीले पानीको फोहोरा सहित लाठी चार्ज गरेको थियो। निषेधित क्षेत्र तोड्न खोज्ने ४ जनालाई प्रहरीले नियन्त्रणमा लिएको छ। तीन जना शिक्षक घाइते भएका छन्। उनीहरुको एभरेष्ट अस्पतालमा उपचार भइरहेको छ।
राहत शिक्षकहरु विभिन्न माग गर्दै लामो समयदेखि आन्दोलनरत छन्। यस अघि उनीहरुको आन्दोलनमा प्रहरीले आइतबार पनि हस्तक्षेप गरेको थियो।
