काठमाडौं- नेपाली कांग्रेसका नेता डा शेखर कोइरालाले कम्युनिष्ट निरंकुशताविरूद्ध लड्नुपर्ने समयमा कांग्रेस आफैभित्रको समस्यामा फसिरहनु मुलुक र प्रजातन्त्रका लागि राम्रो संकेत नभएको बताएका छन् ।
नेपाल ट्रेड यूनियन कांग्रेसको ७३औं स्थापना दिवसको अवसरमा आयोजित “शुभकामना आदानप्रदान कार्यक्रम”मा सम्बाेधन गर्दै नेता कोइरालाले भने, “पार्टी भित्र मनमुटाव र तिक्तता हुन्छ, त्यसका लागी पछि लडौंला। यतिबेला मुलुक कम्युनिष्ट सर्वसत्तावादमा फसेको छ। कम्युनिष्ट अधिनायकवादविरूद्ध लड्न एकजुट हुनुहोस्।”
कार्यक्रममा डा कोइरालाले कम्युनिष्टहरू जसरी पनि प्रजातन्त्र समाप्त गर्न लागेकाले मुलुक भयावह दुर्घटनातर्फ गइरहेको संकेत गरेका थिए ।
