कुमार खड्का फागुन २२, पथरी ।
मोरङको पथरीशनिश्चरे नगरपालिका क्षेत्रमा चलिरहेको हात्तीपाइले रोग विरुद्धको औषधी खुवाउने कार्यको सातौँ दिन सम्म आईपुग्दा ४३ हजार ९ सय ४६ ले औषधी सेवन गरेको तथ्याङक प्राप्त भएको छ ।
नगरपालिको प्रमुख दिलिप कुमार राईको विशेष सक्रियतामा थालिएको सो अभियानको पूर्व घोषीत कार्यक्रम अन्र्तगत मंगलवार वाट अभियानको समय सिमा समाप्त हुदै छ ।
नगर क्षेत्र भित्र संचालन गरिएको अभियानमा मंगलवार भएको कार्यक्रममा ५ हजार ५ सय १९ ले औषधी सेवन गरेको नगर स्वास्थ्य संयोजक मुरारी आर्चायले वताए ।
अभियान अन्र्तगको मंगलवार अन्तिम दिन नगर क्षेत्रमा एक चरण संचालन गरिएको विध्यालय लक्षित कार्यक्रममा छुटेका विध्यालयहरुमा पुनः अभियान सञ्चालन गरि औषधी खुवाउने कार्यक्रम गरेको संयोजक आर्चायले वताए ।
कुल ८० हजार ५ जना जनसंख्या रहेको नगरपालिकामा कम्तिमा ६० हजार जनसंख्या यो औषधी सेवन गर्ने उमेर समुहको रहेको आर्चायको भनाई रहेको छ ।
तर अभियानको अन्तिम दिन आईसक्दा पनि लगभग अनुमानित जनसंख्याको आधा भागले मात्र औषधी सेवन गरेको पाईएकोले यो अभियानलाई थप निरञ्तरता दिएर अगाडी बढाउदै लैजाने योजना रहेको आर्चायले वताए ।
फागुन १५ देखि थालिएको अभियानमा औषधि खाने उत्साह बढ्दो क्रममा रहेको आचार्यको भनाई रहेको छ ।
ज्येष्ठ नागरिक, राजनीतिक दलका अगुवा, समाजसेवी, शिक्षक, बुद्धिजिवी, पत्रकार, पेशाव्यवसायी, बैंक सहितका कर्मचारीहरुको अगुवाईमा औषधि खाने अभियान अघि बढेको छ ।
२ वर्षमाथिकालाई औषधि सेवन गराउने अभियान उत्साहपूर्वक सञ्चालन भएकाले सवैलाई आफुले पनि औषधि खान र अरुलाई पनि खुवाउने अभियानमा सहभागि हुन नगर प्रमुख दिलिपकुमार राईको अनुरोध छ ।
सोही क्रमको निरञ्तरता स्वारुप वडा नम्वर ७ औ दिनकोे अभियानमा ३४५ जनाले औषधी सेवन गरेका छन् ।
जसमा २ वर्ष देखी ५ वर्ष उमेर समुहका २३ जना,६ देखी १४ वर्ष उमेर समुहका ३९ जना,१५ देखी ५९ वर्ष उमेर समुहका २४३ जना र जेष्ठ नागरिक ४०जनाले औषधी सेवन गरको स्वास्थ्यकर्मी सरिता कटुवालले वताईन ।
अभियानलाई सफल र प्रभावकारी वनाउन स्वास्थ्य संयोजक आर्चाय र वडा अध्यक्ष जय वहादुर तामाङ आफै घर–घरमा पुगेर सर्वसाधरणलाई औषधी सेवन पछिको लाभको बारेमा जानकारी गराउदै आएका छन् ।
औषधी सेवन पश्चात कसै–कसैलाई वाकवाकी लाग्ने, रिगटा लाग्ने, भएकाले यो औषधी सेवन गर्न हुन्न भन्ने सर्वसाधरण जनतामा थुपरिएको गलत बुझाईलाई चिर्न वडा अध्यक्ष तामाङ आफै सक्रिय रुपमा खट्दै आएका छन् ।
