बाहुनडाँगी । प्रस्तावित रमाइलो जेसीजको प्रथम वार्षिक साधारण सभा सम्पन्न भएको छ । पथरी जेसीजको मातृत्वमा गत वर्ष स्थापना भएको रमाइलो जेसीजले पहिलो वार्षिक साधारणसभा सम्पन्न गरेको हो ।
साधारणसभाको उद्घाटन नेपाल शिक्षक संघका पूर्व केन्द्रीय अध्यक्ष केशव निरौलाले उद्घाटन गर्नु भएको थियो । उद्घाटन समारोहलाई सम्बोधन गर्दै पूर्व अध्यक्ष निरौलाले मोरङको रमाइलोमा जेसीजको प्रवेशले आम युवाहरुलाई गर्वको अनुभूति भएको बताउनु भयो । उहाँले जेसीजले आम युवाहरुको नेतृत्व र व्यक्तित्वको विकास गर्दै उद्यमशीतातर्फ अघि बढाउने भएकाले यहाँ रहेका युवाहरुलाई थप उत्साहित बनाएको बताउँदै उहाँले हरेक युवाहरुलाई जेसीजमा लाग्नु अनुरोध गर्नु भयो । 
कार्यक्रमका विशेष अतिथि नेपाल जेसीजका पूर्व अध्यक्ष जेसीआई सिनेटर प्रकाश प्रसाद अधिकारीले रमाइलो जेसीजको स्थापनासँगै यस क्षेत्रका युवाहरुलाई उद्यमशीतामा लाग्नु आग्रह गर्नु भयो । जेसीजको मिसन र भिजन अनुसार अघि बढ्दै युवाहरुलाई समेटेर अघि बढ्न आग्रह गर्नु भयो । कार्यक्रममा मातृत्व प्रदान गरेको पथरी जेसीजका अध्यक्ष मानबहादुर दियालीलगायत विभिन्न व्यक्तिहरुको सहभागिता रहेको थियो ।
शाखाका संस्थापक अध्यक्ष हिमप्रसाद अधिकारीको सभापतित्वमा सम्पन्न कार्यक्रमको सञ्चालन महासचिव सुमन अधिकारीले गर्नु भएको थियो ।
