काठमाडौं । राष्ट्रिय प्रजातन्त्र पार्टी (राप्रपा)को मेची महाकाली राष्ट्रिय स्वाभिमान यात्रा आउँदो चैत १ गते काठमाडौंमा समापन हुने भएको छ । यही फागुन १५ गते ताप्लेजुङबाट सुरु भएको यात्रा देशका विभिन्न जिल्ला हुँदै काठमाडौं आएर समापन गर्न लागिएको राप्रपाले जनाएको छ । ताप्लेजुङबाट सुरु भएको यात्रा, झापा, मोरङ हुँदै पश्चिम नेपाल पुगेर काठमाडौँ फर्केपछि चैत १ गते समापन गर्न लागिएको सो पार्टीका प्रचार विभाग प्रमुख मोहन श्रेष्ठले जानकारी दिएका छन् ।
हिन्दू राष्ट्र, संवैधानिक राजतन्त्रलगायत २२ बुँदे माग राखेर राप्रपाले राष्ट्रिय स्वाभिमान यात्रा गरेको हो ।
सो यात्रा चैत १ गते काठमाडौंको भृकुटीमण्डपमा कलश यात्रा र विशाल आमसभासहित समापन गरिने श्रेष्ठले जारी गरेको विज्ञप्तिमा उल्लेख छ ।
२०७५ फागुन २७ गते
प्रेस विज्ञप्ति
राप्रपाले गत फागुन १५ गते ताप्लेजुङमा शुभारम्भ गरि देशका विभिन्न भागमा सञ्चालन गरिरहेको मेची महाकाली राष्ट्रिय स्वाभिमान यात्रा चैत १ गते अपरान्ह १२.१५ बजे काठमाडौंको भृकुटीमण्डपमा कलश यात्रा र विशाल आमसभा सहित समापन हुनेछ ।
मोहन श्रेष्ठ
प्रचार विभाग प्रमुख, राप्रपा ।
