धरान । धरान उपमहानगरपालिकामा मेयर तारा सुव्वाको निधन भए पछि धरान मेयर बिहिन छ । स्थानिय निकायमा निर्वाचित पदाधिकारीको निधन भएको खण्डमा एउटा समय अवधिमा उपनिर्वाचन गरेर पदपुर्ति गर्नुपर्ने हुन्छ । तर मेयर तारा सुव्वाको निधन पछि चुपचाप कार्यवाहाक मेयरले धरान उपमहानगरपालिका चलिरहेको छ ।
नेपाली काग्रेस सुनसरीका जिल्ला सचिव तथा महासमिति सदस्य सुजेन्द्र तामाङले लामो समय देखि धरान प्रमुख बिहिन भएकाको भन्दै उपनिर्वाचन गर्ने माग गरे । मेयर नहुदा धरानले महत्वपूर्ण निति नियमका काममा समस्या आईरहेको छ उनले भने । कतिपय निर्णय गर्ने मेयर नभई नहुने बैद्यानिक प्राबधान छन । धरानको विकास सँग जोडिएको कुरा भनेर मेयर नहुदा पनि जनता चुप लागेको भन्दै उपनिर्वाचन तत्काल गर्ने उनको माग छ ।
धरान उपमहानगरपालिकामा मेयरको निधन भएको सवैलाई थाहा भएकै कुरा हो । तर औपचारिकरुपमा मेयरको निधन र मेयर पद खाली भएको कुरा सरकारलाई थाहा भए पनि अहिले सम्म उपनिर्वाचनको विषय मौन रहदै आएको सउनको भनाई थियो । उपनिर्वाचन नहुदा धरान मेयर बिहिन बन्न पुगेको तामाङको भनाई छ ।
धरानको समृद्ध सपना बोकेका मेयर तारा सुव्वाको निधन पछि अहिले सम्म धरान उपमहानगरपालिकामा मेयर पद खाली हुनु र उपमेयरनै कार्यवाहाक भएर काम गर्नु सवैको चासोको विषय हो । यो संगै धरान उपमहानगरपालिकामा अहिले अर्काे प्रमुख पद पनि खालीनै रहेको छ । उपमेयरबाट कार्यवाहाक मेयरको काम चलिरहेको बेलामा धरान उपमहानगरपालिकामा कार्यबाहाक कार्यकारी प्रमुखको पनि काम भईरहेको छ । कार्यवाहाकले अहिले धरान उपमहानगरपालिका चलिरहेको छ । के धरानमा सवै कुरामा कार्यवाहाकलेनै काम चलानुपर्ने हो ?
