देबु बानियाँ
बाहुनडागी । सुरुङ्गा जेसीजले वर्ष २०१९ को फेबु्रअरी महिनाको उत्कृष्ट शाखा अवार्ड प्राप्त गर्न सफल भएको छ ।
नेपाल जेसीजले हरेक महिना प्रदान गर्ने ‘जेसीज अफ द मन्थ अवार्ड’ बाट क्षेत्र ‘क’ अन्तरगत फेबु्रअरी महिनाको उत्कृष्ट शाखाको अवार्ड प्राप्त गरेको हो । शाखाले व्यक्तित्व र नेतृत्व विकाससँगै सामाजिक क्षेत्रमा गरेको गतिविधिको आधारमा दोस्रो महिनामा यस क्षेत्रबाट सुरुङ्गाले यो अवार्ड प्राप्त गरेको छ । पहिलो महिनाको अवार्ड उदयपुर जेसीजले प्राप्त गरेको थियो ।
शाखाको कार्य सम्पादनको आधारमा नेपाल जेसीजले यो अवार्ड प्रदान गर्दै आएको छ । नेपाल जेसीजका राष्ट्रिय अध्यक्ष सिनेटर महेश पौडेलले क्षेत्र ‘क’ बाट उत्कृष्ट शाखाको रुपमा सुरुङ्गा जेसीज छनोट भइ उत्कृष्ट शाखा अवार्ड प्राप्त गरेको बताउनु भएको छ । स्मरण रहोस यो शाखा वर्ष २०१८ को क्षेत्रीय सम्मेलन गरेर उत्कृष्ट सम्मेलन गर्ने शाखाका रुपमा अवार्ड प्राप्त गरेको थियो ।
शाखाले उत्कृष्ट अवार्ड प्राप्त गरेपछि शाखा अध्यक्ष कमल कट्टेलले नेपाल जेसीज तथा राष्ट्रिय अध्यक्ष सिनेटर महेश पौडेललाई धन्यवाद व्यक्त गर्नु भयो । साथै उहाँले यो अवार्डले शाखालाई थप हौषला प्राप्त भएको बताउनु भयो ।
