देबु बानियाँ
बाहुनडागी । वर्ष २०१९ को फेबु्रअरी महिनाको जेसीज अफ द मन्थको अवार्ड रजहर जेसीजले प्राप्त गरेको छ । नेपाल जेसीजले हालै सार्वजनिक गरेको उत्कृष्ट शाखा अवार्ड अन्तरगत क्षेत्र ‘घ’ बाट यो लेडी जेसीजले प्राप्त गरेको हो ।
नेपाल जेसीजले हरेक महिना प्रदान गर्ने ‘जेसीज अफ द मन्थ अवार्ड’ बाट क्षेत्र ‘घ’ अन्तरगत फेबु्रअरी महिनाको उत्कृष्ट शाखाको अवार्ड प्राप्त गरेको हो । शाखाले व्यक्तित्व र नेतृत्व विकाससँगै सामाजिक क्षेत्रमा गरेको गतिविधिको आधारमा दोस्रो महिनामा यस क्षेत्रबाट रजहर जेसीजले यो अवार्ड प्राप्त गरेको छ । पहिलो महिनाको अवार्ड तुलसीपुरनगर जेसीजले प्राप्त गरेको थियो ।
शाखाको कार्य सम्पादनको आधारमा नेपाल जेसीजले यो अवार्ड प्रदान गर्दै आएको छ । नेपाल जेसीजका राष्ट्रिय अध्यक्ष सिनेटर महेश पौडेलले क्षेत्र ‘घ’ बाट उत्कृष्ट शाखाको रुपमा रजहर जेसीज छनोट भइ उत्कृष्ट शाखा अवार्ड प्राप्त गरेको बताउनु भएको छ ।
शाखाले उत्कृष्ट अवार्ड प्राप्त गरेपछि शाखा अध्यक्ष सन्तोष थापाले यो अवार्डले शाखालाई थप हौषला प्राप्त भएको बताउनु भयो ।
