बाहुनडाँगी । नेपाल जेसीज क्षेत्र ‘ग’ को २०१९ को क्षेत्रीय सम्मेलन बैशाख २७ २८ गते हुने भएको छ ।
क्षेत्रीय सम्मेलन नुवाकोट जेसीजले पहिलो पटक क्षेत्रीय सम्मेलन आतिथ्यता गर्ने अवसर प्राप्त हो । यो सम्मेलन जेसीजका ४ क्षेत्र मध्ये २०१९ को पहिलो सम्मेलन हो । नुवाकोटको बटारस्थित स्पोर्ट कवर्ड हलमा सम्मेलन गर्ने तयारी गरेको यो शाखाले सम्मेलन सम्बन्धी विभिन्न तयारी गरिरहेको क्षेत्र ‘ग’ निरुपित कार्यकारीणी उपाध्यक्ष अमिश ढकालले बताउनु भयो ।
सम्मेलनका लागि नुवाकोट जेसीज २०१७ का अध्यक्ष सुरजित भण्डारीलाई निर्देशकमा नियुक्त गरिएको छ । सम्मेलनका लागि विभिन्न योजनाका साथ स्थानीय स्तरका विभिन्न सामाजिक संघ संस्थाहरुसँग छलफल र परामर्श गर्न थालिएको शाखा अध्यक्ष दुर्गाराज पाठकले बताउनु भयो ।
यस क्षेत्रका लागि निरुपित उपाध्यक्षहरुमा भोजराज चापागाई, हरि शर्मा र मोहन डाँगी रहनु भएको छ । 
