बाहुनडाँगी । दाङ महिला जेसीजको आयोजनामा शनिवार घोराहीमा नेतृत्वको लागि महिला भन्ने बिषयक बकतृत्व कला प्रतियोगितामा सम्पन्न भएको छ ।
प्रतियोगितामा दाङ महिला जेसीजका सदस्य बसन्ता भण्डारी प्रथम हुनु भएको छ । जेसिजले आफ्नै सचिवालयमा आयोजना गरेको उक्त कार्यक्रमको अध्यक्षता दाङ महिला जेसिजको अध्यक्ष जेसी रेखा शर्माले गर्नु भएको थियो ।
दाङ महीला जेसिजका पूर्ब अध्यक्ष बिना बीसीको प्रमुख आतिथ्यतामा भएको कार्यक्रममा कार्यक्रमको संयोजन बसन्ती सुबेदीले गर्नु भएको थियो ।
कार्यक्रममा आस्थापाठ उपाध्यक्ष जून कुमारी बुढाले गर्नु भएको थियो भने प्रतियोगिताको निर्णायक मण्डलमा पूर्ब अध्यक्ष जेसी बिना बीसी रहनु भएको थियो । दाङ महिला जेसिजको बकतृत्वकला प्रतियोगितामा २० जनाको सहभागिता रहेको थियो । कार्यक्रमको सञ्चालन महासचिव अनिता ढकालले गर्नु भएको थियो ।
