बाहुनडाँगी । चन्द्रनिगापुर सिटी जेसीजको सचिवालय भवन बन्ने पक्का भएको छ ।
चन्द्रपुर नगरपालिकाले जेसीजको भवन निर्माणका लागि दुई कठ्ठा जग्गा उपलब्ध गराएपछि उक्त स्थानमा भवन निर्माणका लागि शनिवार भवनको शिल्यान्यास गरिएको हो । उक्त भवनको शिल्यान्यास प्रतिनिधि सभाका संघीय सासंद देवप्रसाद तिम्सिनाले गर्नु भएको थियो ।
शाखा अध्यक्ष निर्मल भण्डारीको अध्यक्षतामा सम्पन्न कार्यक्रममा प्रदेशका सांसद धनलाल ठोकर, मेयर रामचन्द्र चौधरी, वडा नम्बर ५ का वडा अध्यक्ष सञ्जय काफले, शाखाका संस्थापक अध्यक्ष बालकृष्ण श्रेष्ठ, पूर्व अध्यक्ष जनकराज भारती, मधुसुधन धिताल, निर्वतमान अध्यक्ष अनन्त अधिकारीलगायतको सहभागिता रहेको छ ।
कार्यकारीणी उपाध्यक्ष अवधेश हरि भट्टराईलाई भवन निर्माण समितिको संयोजक तोकिएको र यो वर्षभित्रमा भवन निर्माण गरिसक्ने कार्यकारीणी उपाध्यक्ष गोपाल गुप्ताले बताउनु भयो । 
