काठमाडौं । नाँच्न नजान्ने आँगन टँडो देख्ने नेपाली स्वभाव नेकपाको ओली ब्राण्डमा पनि चम्किँदैछ । त्यहीकारण जनतालाई काम दिन नसकेको सरकारले नालायक मन्त्रीहरुको जागिर खाने तयारी गर्दैछ ।
समाचारसूत्रका अनुसार राम्रो काम नगर्दा पदबाट हट्नुपर्ने अवस्थामा रघुवीर महासेठ, मातृका यादव, बिना मगर, चन्द्र खनाल, शक्ति बस्नेत चर्चामा छन् । संयोगले महासेठ र यादव धनुषाका हुन् ।
त्यसो त पूर्व एमालेभन्दा माओवादीका धेरै बद्नाम भएका कारण सरकारलाई पुर्नगठन गर्दा पक्षपातपूर्ण नहोस् भन्ने रहेको छ ।
एमालेले श्रम तथा रोजगार, संघीय मामिला, परराष्ट्र, सूचना प्रविधि मन्त्रालयको चरित्र फेर्न खोजेको छ । यस पटक डा.युवराज खतिवडा अर्थमन्त्रालय चलाउनै नसक्ने भए । उनी राजनीति नबुझ्ने व्यक्ति भए । फोरमले पनि सहरी विकासमन्त्री इस्तियाक राईलाई बदल्दैछ ।
उपप्रधानमन्त्री उपेन्द्र यादव धेरै विदेश घुम्न पाइने भएकाले परराष्ट्र जान खोजेका छन् । नेकपा र फोरमले मन्त्रालय साटफेर गर्न सक्छन्, दबाबमा उल्लेख छ ।
दुई तिहाईको दम्भले मातेको नेकपाले सरकार चलाएको फागुन ३ गते एक वर्ष पुगेको बेला प्रधानमन्त्री ओलीको समृद्धिमा किसानले उत्पादनको मूल्य नपाएर सडकमा दूध पोख्ने, तरकारी बारीमा डोजर लगाउने गरेकै छन् ।
लुट्नका लागि जताततै विकास र समृद्धि छ, जनताको सेवाका लागि होइन । प्रधानमन्त्रीले आफूमाथिको अपजस टार्न पनि मन्त्रीहरु हटाउन लागेका हुन् ।
