चैत ८, पथरी
पत्रकारहरुको विहिवार भएको होली कार्यक्रममा पूर्वी मोरङमा छुट्टै शाखा खोल्नुपर्ने वक्ताहरुले बताएका छन् ।
नेपाल आदिवासी जनजाति महासंघ(फोनिज) र नेपाल पत्रकार महासंघ मोरङ सम्पर्क कार्यालयको आयोजनामा पथरीमा आयोजित होली कार्यक्रममा बक्ताहरुले मोरङमा छुट्टै शाखा खोल्न तत्काल पहल गर्नुपर्ने बताएका छन् ।
होलीको शुभकामना आदानप्रदान कार्यक्रममा नेपाल पत्रकार महासंघको केन्द्रीय पार्षद तथा प्रेस सेन्टर र प्रेस संगठनको प्रस्तावित केन्द्रीय समितिको सदस्य अर्जुन जम्नेली राई, पथरीशनिश्चरे नगरपालिकाको सूचना संयोजक भूपेन्द्र तिम्तिसाना, प्रेस सेन्टर १ नम्बर प्रदेशको कोषाध्यक्ष मोहन भट्टराई, प्रेस युनियानका गोपाल काफ्ले, रेडियो रिदमका कुमार खड्का,रेडियो सिम्रिकका विवेक न्यौपाने, पत्रकार भूमि पाठक लगायतले शुभकामना मन्तव्य राखेका थिए ।
नेपाल आदिवासी जनजाति पत्रकार महासंघ मोरङका अध्यक्ष दिनेश सुब्बाको सभापतित्वमा भएको कार्यक्रममा वक्ताहरुले पूर्वी मोरङमा महासंघको छुट्टै शाखा खोल्न तत्काल पहल गर्नुपर्ने बताएका छन् ।
महासंघको विधानमा ३५ जना सदस्य भएको स्थानमा छुट्टै शाखा खोल्न पाउने व्यवस्था रहेको छ । पूर्वी मोरङको उर्लाबारी, पथरीशनिश्चरे,लेटाङ नगरपालिका, मिक्लाजुङ, कानेपोखरी लगायतको पालिकाहरुमा ५० भन्दा बढी महासंघको सदस्य रहेको छ ।
होलीको अवसरमा आयोजित शुभकामना आदानप्रदान कार्यक्रममा वक्ताहरुले पूर्वी मोरङमा छुट्टै शाखा खोल्न तत्काल पहल थाल्नु पर्ने बताएका हुन् ।
नेपालमा संघीयता कार्यन्वयनको शीलशीलामा तीन (संघ, प्रदेश र स्थानीय) तह कायम भएकोले पत्रकार महासंघमा पुरानै पुरानो जिल्लाको संरचनामा नरही मापदण्ड पुगेको स्थानहरुमा छुट्टै शाखा खोल्न पहल गरिनु पर्ने वक्ताहरुको भनाई रहेको थियो ।
