बाहुनडाँगी । नेपाल जेसीजले गत वर्षदेखि सुरु गरेको जेसीज साप्ताहिक तालिम अन्तरगत वर्ष २०१९ को शनिवारदेखि सुरु हुँदै छ ।
साप्ताहिक तालिम अन्तरगत पहिलो चरणमा क्षेत्र ‘घ’ अन्तरगत बुटवल जेसीजबाट यस वर्षको तालिम सुरु हुनेछ । बुटवल जेसीजको आतिथ्यतामा हुने तालिममा त्यस क्षेत्रका १८ वटा शाखाको सयुक्त सहभागिता र आयोजना रहनेछ । ‘सर्कल एक्सीलेन्स मल्टी च्याप्टर ट्रेनीङ’ मा सिदार्थ, बुटवल लेडी, सिदाद्र्ध लेडी, पाल्पा, कपिलवस्तु, भलवारी, रामग्राम, रामग्राम लेडी, सुनवल, तिलोतमा, रामनगर, देवदह, सौमैना, शिवराज, बद्धभूमी, सुद्धोधन र प्रस्तावित कञ्चन जेसीजको सहभागिता रहने नेपाल जेसीजका कार्यकारीणी उपाध्यक्ष एवम् क्षेत्र ‘घ’ का निरुपित कार्यकारीणी उपाध्यक्ष श्याम सुन्दर पौडेलले मिलनले बताउनु भयो ।
क्षेत्र ‘घ’ का ५ वटा शाखामा सञ्चालन हुने पहिलो चरणको तालिममा करिब ३५ वटा शाखाले प्रत्यक्ष सहभागिता जनाउने छन् । यस क्षेत्रमा देशकै सबै भन्दा धेरै ४७ वटा शाखा रहेका छन् । ५ वटै शाखामा नेपाल जेसीजका ट्रेनर राजाबाबु शाहले दिनु हुनेछ । बुटवलबाट उद्घाटन भएको तालिम त्रिभूवननगर जेसीज, सुर्खेत लेडी जेसीज हुँदै टिकापुर जेसीजमा पुगेर समापन हुनेछ । यस क्षेत्रको निरुपित उपाध्यक्षहरुमा अर्जुन अधिकारी, दिनेश बोहोरा र रुकमणिी सिग्देल रहनु भएको छ ।
पश्चिमबाट सुरु भएको साप्ताहिक तालिम देशका ४ वटै क्षेत्रमा सञ्चालन गरिने नेपाल जेसीजका राष्ट्रिय अध्यक्ष जेसीआई सिनेटर महेश पौडेलले बताउनु भयो ।
