बाहुनडाँगी । नव ज्योति युवा क्लब मेचीनगर ३ बडाखालको आयोजनामा शनिवारबाट वडा स्तरीय फुटबल प्रतियोगिता शुरु भएको छ ।
नव ज्योति निमाविको खेल मैनादमा भएको प्रतियोगिताको उद्घाटन मेचीनगर नगरपालिका वडा नम्बर ३ का वडा अध्यक्ष हर्कबहादुर बस्नेतले गर्नु भएको थियो । 
उद्घाटन खेलमा आयोजक मेचीनगर ३ र मेचीनगर १२ विजयी भएका छन् । पहिलो खेलमा आयोजकले मेचीनगर १४ लाई ४–० को गोल अन्तरले पराजित गरेको छ । यसैगरी दोस्रो खेलमा मेचीनगर १२ ले मेचीनगर २ लाई २–० गोल अन्तरले पराजित गरेको थियो ।
आइतवारको पहिलो खेल मेचीनगर ५ र वडा नम्बर १५ तथा दोस्रो खेल मेचीनगर ४ र मेचीनगर ६ बीच हुने आयोजक समितिका अध्यक्ष भवानी गिरीले बताउनु भयो । प्रतियोगितामा मेचीनगरका १६ वटा टिमको सहभागिता रहेको छ । प्रतियोगितामा विजेता टिमले २० हजार र उप विजेता टिमले १० हजार पाउनेछन् । 
नव ज्योति युवा क्लबका अध्यक्ष भवानी गिरीको अध्यक्षता तथा वडा अध्यक्ष हर्कबहादुर बस्नेतको प्रमुख आतिथ्यतामा सम्पन्न कार्यक्रममा मेचीनर २ का अध्यक्ष तिलक न्यौपाने, संस्थापक जितबहादुर लावती, सल्लाहकार कमल थापा, दिपक थापा, पूर्व अध्यक्ष राजकुमार राया, सल्लाहकार राजेश बस्नेत, चन्द्रबहादुर थापा, रिता थापा, धनबहादुर अधिकारी, राजेन्द्र थापा, सोमबहादुर आचार्यलगायतको सहभागिता रहेको थियो । सचिव सुमन थापाले स्वागत गरेको कार्यक्रमको सञ्चालन पूर्व सचिव देबु बानियाँले गरेका थिए ।
