काठमाडौं– नेपाली कांग्रेसका बरिष्ठ नेता रामचन्द्र पौडेलले सरकारको कार्यशैली प्रति आक्रोश पोखेका छन् । आज (शनिबार) सिन्धुली पुगेका नेता पौडेलले सिन्धुलीमाढीमा नेपाल प्रेस युनियनले आयोजना गरेको कार्यक्रममा सरकार सर्वसत्तावाद भएको आरोप लगाए ।
प्रधानमन्त्री केपी शर्मा ओली प्रति निक्कै आक्रोशित रुपमा प्रस्तुत भएको नेता पौडेलले प्रधानमन्त्रीले सबै अधिकार केन्द्रिकृत गरेर सर्वसत्तावादी प्रवृत्ती देखाएको छ । नेता पौडेलले कांग्रेसले सरकारको सर्वसत्तावादलाई रोक्ने बताए ।
नेता पौडेलले सरकारको काम पनि सन्तोषजनक नरहेको बताए । एक वर्षको अवधिमा गर्नुपर्ने कुनै पनि काम सरकारले गर्न नसकेको भन्दै उनले देशमा शान्ति सुरक्षाको व्यवस्थापन गर्न र सुशासन कायम गर्दै विकासका क्षेत्रमा कुनै काम नभएको बताए ।
नेत्रविक्रम चन्द विप्लव नेतृत्वको नेपाल कम्युनिस्ट पार्टीको गतिविधिलाई सरकारले लगाएको प्रतिबन्धको पनि नेता पौडेलले खुलेरै विरोध गरे। सर्पको खुट्टा सर्पले नै देख्ने उदाहरण दिदै उनले विप्पल नेतृत्वको माओवादीलाई सरकारले प्रतिवन्ध लगाउनु भन्दा ओली प्रचण्डले मिलाएर लैजानु उचित समाधान हुने बताए ।
कांग्रेस जनमतसंग्रहमा जान तयार भएको हो भन्ने पत्रकारहरुको जिज्ञासामा नेता पौडेलले का्रग्रेस जनमत संग्रहमा नजाने स्पष्ट पारे । कसैले जनमत संग्रहको कुरा गरे त्यो व्यक्तिगत विचार हुने पौडेलको भनाई छ ।
कांग्रेस सिन्धुलीले मरिण गाँउपालिका ६ कपिलाकोटमा आयोजना गरेको आमसभामा सहभागी हुन पौडेल सिन्धुलीमाढी पुगेका हुन् ।
