बाहुनडाँगी । नव ज्योति युवा क्लबको आयोजनामा शनिवारबाट शुरु भएको मेचीनगर वडा स्तरीय फुटबल प्रतियोगिता अन्तरगत वडा नम्बर ५ र वडा नम्बर ६ विजयी भएका छन् ।
आइतवार नव ज्योति निमाविको खेल मैदानमा भएको खेलमा वडा नम्बर ५ ले वडा नम्बर १५ लाई ३–० को गोल अन्तरले पराजित गरेको थियो ।
यसैगरी वडा नम्बर ६ ले वडा नम्बर ४ लाई टाइब्रेकरमा ४–३ गोल अन्तरले पराजित गरेको क्लबका सचिव सुमन थापाले बताए ।
सोमवारको खेलवडा नम्बर ७ र वडा नम्बर १३ तथा दोस्रो खेल वडा नम्बर ३ र वडा नम्बर १० बीच हुने आयोजक समितिका सदस्य राजेश बस्नेतले बताए ।
