बाहुनडाँगी । जेसीज जीवनको आधारस्तम्भ मानिने जुनियर जेसीज अन्तरगत धनगढी जुनियर जेसीजले दोस्रो कार्य समितिको बैठकले तीन वटा महत्वपूर्ण विषयमा निर्णय गरेको छ ।
बुधवार सम्पन्न बोर्ड बैठकबाट अब हरेक महिना तालिम सञ्चालन गर्नेछ । धनगढीमा रहेको आमाको माया छात्राबासमा रहेका बालबालिकाहरुका लागि जुनियर जेसीजले नेक्सन एजुकेशनको प्रायोजनमा उक्त छात्राबासमा रहेका असाय, टुहुरा र कमजोर बालबालिकाहरुका लागि व्यक्तित्व र नेतृत्व विकासका लागि तालिम सञ्चान गर्ने निर्ण गरेको हो ।
जुनियर जेसीजका अध्यष सन्तोष पन्तको अध्यक्षतामा बसेको बैठकले खुत्रुके अभियानको समेत सुरुवात गरेको छ । जेसीजको हरेक कार्यक्रममा उक्त खुत्रुके राख्ने र त्यसमा जम्मा भएको रकम जेसीजको स्थापना दिवस (अगस्ट १५) कादिन फुटाएर जम्मा भएको रकमले मानविय सेवामा प्रयोग गर्ने अध्यक्ष पन्तले बताउनु भयो । उक्त खुत्रुकेमा धनगढी जेसीजका अध्यक्ष नरेन्द्र अवस्थी, धनगढी लेडी जेसीजका अध्यक्ष पुनम चटौत र धनगढी जेसीजका उपाध्यक्ष गिरीराज भण्डारीले रकम जम्मा गरेर उद्घाटन गर्नु भएको थियो ।
यसैगरी, शाखाले धनगढी जेसीज, धनगढी लेडी जेसीज र धनगढी जुनियर जेसीजले गर्ने हरेक कार्यक्रमका व्यानर संकलन गरेर राख्ने समेत निर्णय गरेको अध्यक्ष पन्तले बताउनु भयो । 
