काठमाडौंँ, १४ चैत
काठमाडौँ महानगरपालिकाका प्रमुख विद्यासुन्दर शाक्यले नेपाल र जापानका नगर–नगरकाबीचमा भएको आपसी सम्बन्धलाई नागरिकको तहसम्म विस्तार गर्नुपर्ने बताउनुभएको छ ।
महानगरको कार्यालय सुन्धारामा नेपालका लागि जापानका राजदूत मासामिची साइगोसँग भएको भेटमा उहाँले महानगरसँग भगिनी सम्बन्ध भएको मात्सुमोतो नगरका नागरिकलाई आउँदो इन्द्रजात्रा अवलोकन गर्न निमन्त्रणा गर्नुभयो ।
सो अवसरमा राजदूत साइगोले दुई देशबीचको प्रगाढ सम्बन्ध जनस्तरसम्म पु¥याउन हातेमालो गर्ने र जापानले नेपाललाई उपलब्ध गराउँदै आएको सहयोगलाई विस्तार गर्दै लगिने बताउनुभएको महानगरले जनाएको छ ।
