बाहुनडाँगी । आफुले पाएको अग्रतालाई टिकाउन नसक्दा मेचीनगर १२ को फुटबल टिमले वडा स्तरयि फुटबल प्रतियोगिताको सेमीफाइनलमा पुग्ने यात्रा समाप्त भएको छ ।
नव ज्योति युवा क्लब मेचीनगर ३ बडाखालको आयोजनामा जारी वडास्तरीय फुटबल प्रतियोगितामा बिहिवार भएको खेलमा वडा नम्बर ६ लाई सुरुवातीदेखि अग्रता कायम गर्दै आएको वडा नम्बर १२ ले अन्तत सडनडेथमा पराजय बेहोर्नु परेको हो । खेलको ७ मिनेट अघि गोल गर्दै अग्रता पाएको वडा नम्बर १२ का लागि पहिलो हाफको अन्तिम मिनेटमा वडा नम्बर ६ ले बराबरी बनाएको थियो । दोस्रो हाफको सुरुवातीमै फेरी अग्रता लिएको १२ नम्बरले खेलको अन्तिम समयलाई सम्हाल्न नसक्दा खेल बराबरी भयो । टाइब्रेकरमा समेत दुबै टिमको बराबरी भएपछि सडन डेथका आधारमा ५–४ को गोल अन्तरले वडा नम्बर ६ भाग्यमानी सावित बन्दै सेमीफाइनलको यात्रा तय गरेको छ ।
शुक्रवारको तेस्रो क्वाटर फाइनल खेल वडा नम्बर १ र वडा नम्बर १३ बीच हुने आयोजक समितिका सदस्य राजेश बस्नेतले बताउनु भयो ।
